Wej, prins Marius d’n Urste
- Degene mit de boks an op d’n Broekweg;
- Hoofdaannemer van Rond ‘t Köpke;
- Grootheid van het Gilde;
- Preses van Plein 27;
- Man mit stoal gevlochte zenuwe;
- Hofleverancier van alle wagens ien d’n optocht;
- Zoon van ex Prinses Toos en de enige echte melkboer van Muszes;
- Financieel hart van ‘t Gilde;
- Nejste ien un rejke illustere prinsenamen;
Hebbe ollie – bejgestoan dur zien verrekt vereerde Adjudante Wiljan, Jan en Frans, Vorst Willem, Nar Mike en de road van Elluf – ut volgende mit te dele:
Artikel 1) Det Prins Marius d’n Urste en zien Adjudante Wiljan, Jan en Frans d’r vur zulle zurge, det ut 60ste Bliekersjoar zal knalle as ut Gilde in zien beste dage;
Artikel 2) Det Prins Marius d’n Urste der vur zal zurge det ut bier ien ut Bliekerspaleis gen tied kriet um werm te werre;
Artikel 3) Det Adjudante Wiljan, Jan en Frans de scepter zulle tuusbrenge alsof ut hun eige dochters zien;
Artikel 4) Det Prins Marius d’n Urste mit de carnaval zien gildehoed verruilt vur de prinsesteek;
Artikel 5) Det Prins Marius d’n Urste en zien Adjudante Wiljan, Jan en Frans der vur zulle zurge det iedereen de pan uut swingt;
Artikel 6) Det Prins Marius d’n Urste same mit zien vrouw Gisela en dochters Jenny en Sharon zulle zurge dat ok de Bliekersbuukskes goed gevuld worre;
Artikel 7) Det Prins Marius d’n Urste dit joar mit de carnaval ut iezer vlechte an de vakminse over loat;
Artikel 8) Det Prins Marius d’n Urste en zien Adjudante Wiljan, Jan en Frans dit joar de Bliekers zullen loate hosse as hiegende herte;
Artikel 9) Det Prins Marius d’n Urste dit joar ut Bliekerspaleis zal loate shinen as un echte carnavalstempel;
Artikel 10) Det Prins Marius d’n Urste dit joar zien stappeteller zal loate telle zoals det ding nog nooit geteld het;
Artikel 11) Det de spreuk van zien Koninklijke Hoogheid Prins Marius d’n Urste luidt:
Als koning prins en kastelein bin ik dit joar de neje heerser van ‘t plein!
En verder wenst hej ollie allemoal veul lol en leut, bejgestoan dur Adjudante Wiljan, Jan en Frans, Vorst Willem, Nar Mike, Road van Elluf, Joekskapel Net op Tied en alle grote en kliene Bliekers en Bliekerinnekes.
Aldus gegeve en vurgeleze op zoaterdag 9 november 2019 ien ut Bliekerspaleis ien Muszes.
